2022-01-07 21:22:54
温习新年洗脑歌，唔识唱都可以哼翻两嘴！
新年就嚟到，我恭喜你发财！恭喜你精彩！
每年中国都会有几首神曲，什么《我们不一样》、《小苹果》、《我的好兄弟》全部都非常洗脑，好多人会话宜家D洗脑神曲都係北方嘅，我只能够讲“你哋太年轻了”
细广东，洗脑神曲每年都唔止一首，仲要首首都非常流行，并唔会因为时间嘅流逝而过时。每年都会听到，而且年年一样，係无论你係屋企，商场、行街、戏院、旅游。度度都听到。果D就係广东人嘅贺年洗脑歌。
宜家先嚟唤醒下大家嘅记忆，等大家做好心理准备俾D歌洗脑啦！
刘德华《恭喜发财》
恭喜你发财我恭喜你精彩
最好的请过来不好的请走开
oh 礼多人不怪
2005年1月发行有「中国第一新年BGM」之称，华仔本人都有份参与歌曲填词，我细细个开始听，估唔到一听就听咗咁多年！
Twins《你最红》
哎你最好啊 你最红
你更好啊 你更红啊
其实英皇年年都有出贺年专辑，哩首《你最红》2002年推出至今都有十几年历史，相比华仔嘅《恭喜发财》真系一D都唔输蚀，红足十几年！
薛家燕《皆大欢喜》
嘿呀嘿呀嘿 嘿呀嘿呀嘿
团结一心有新转机
哪怕是万尺风浪
都可挽手冲天飞
2001年TVB古装喜剧《皆大欢喜》同名主题曲，唔经唔觉哩首歌都hey咗咁多年啦！当时已经够洗脑，唔知仲要俾佢洗几多年，希望家燕妈妈出过第首贺年歌啦！
汪阿姐、秋官《欢乐年年》
(男)你听锣鼓响一片 声声送旧年
(女)你看大众多欢畅 个个乐绵绵
(男)欢呼声 歌乐声 响彻凌霄殿
(女)齐声恭祝你 有个欢乐年
汪阿姐同秋官嘅得意之作，歌词够晒喜庆，所以播咗咁多年都一直唔会过时！
许冠杰《打雀英雄传》
六婶 三太公
大众开台啦面似莲蓉
又放工 打餐懵
围埋砌几圈论呀论英雄
谁是大英雄
新年流流梗喺要打麻将发个新年财，砌翻几圈赢尽三家啦，哩首歌真系啱晒气氛啊！
汪明荃、秋官《迎春花》
好一朵迎春花人人都爱它
好一朵迎春花迎来大地放光华
好一朵迎春花它开每一家
好一朵迎春花茂盛艳丽春色雅
歌曲收录于1977年《欢乐年年》中，哩首歌同阿姐一样咁襟唱啊，唱足40年！超市、花街都唔少得佢啊！
卓依婷《恭喜恭喜》
每条大街小巷
每个人的嘴里见面第一句话
就是恭喜恭喜
哩首歌同我一样咁大啊，1995年发行。先唱咗廿几年，仲有排唱啊！而且哩首贺年带俾大家一种“京式”过年气氛，系广州一样咁啱用！
许冠杰《财神到》
财神到 财神到 好心得好报
财神话 财神话 揾钱依正路
财神到 财神到 好走快两步
得到佢睇起你 你有前途
《财神到》係歌神许冠杰1978年推出嘅一首歌曲，同样风靡咗差唔多40年！新年流流，最中意嘅梗喺财神啦！
中国娃娃《发财发福中国年》
好运来
接着来
恭喜恭喜发大财
睇个样大家可能唔系咁熟悉，但系哩首发财发福中国年真系唱到街知巷闻，就琴日咋嘛，小编系条街道听到D记忆都翻晒嚟啊！
《步步高》
《步步高》系广东音乐名家吕文成嘅代表作，係一首传统广东民乐。虽然纯音乐，但系哼起身都好顺口，仲可以自己补歌词添，系广州花街嘅必备BGM!
基本上每一首斋睇歌词，都不知不觉哼出嚟，脑内都会自动响起旋律。原来呢D歌曲已经陪咗我哋咁多年！冇咗呢D歌反而唔惯少咁D年味！
新年仲有D咩洗脑贺年歌，欢迎留言补充~
更多猛料请扫下面二维码